طباعة

أكواب برجر الجبنة

الوجبة Breakfast
مدة الإعداد 15 دقائق
مدة الطبخ 15 دقائق
الوقت الكلي 30 دقائق
الحصص 6 أشخاص

المقادير

  • 250 جرام لحم بقري مفروم
  • 100 جرام جبنة شيدر مكعبات
  • 6 خبز كيذر صغير بالقمح الكامل او 4 خبز كيذر بالحجم العادي
  • 4 معلقة طعام جبنة بارميزان مبشورة
  • 3 معلقة طعام بقسماط مطحون
  • 2 معلقة طعام ذرة حلوة
  • 1 بيض مخفوق
  • 1 بصل أخضر مقطع
  • 1/2 معلقة طعام بودرة بصل
  • 1/2 معلقة طعام فلفل اسود
  • 1/2 معلقة طعام ملح

الخطوات

  1. في وعاء كبير، اخلطي اللحم المفروم مع البقسماط المطحون و الذرة الحلوة و البيض و البصل الاخضر وبعدها ضيفي الملح و الفلفل و بودرة البصل و اخلطيهم مرة كمان

  2. اقطعي الخبز من فوق و فضيه من جواه بإستخدام معلقة وبعدها ضيفي كمية من خليط اللحمة المفرومة بحيث يملى تلت الفراغ اللى جوا الخبز

    ضيفي مكعب من الجبنه الشيدر وفوقها كمية تانيه من خليط اللحمة المفرومة

    عيدي الخطوات دي مع كل كمية الخبز الموجودة 

    all recipe

  3. لفي كل قطعة خبز في ورق الومنيوم و دخليها الفرن على درجة حرارة 180 سيليزيوس أو درجة حرارة متوسطة حسب الفرن بتاعك لمده من 14 ل 16 دقيقة أو لحد ما اللحم المفروم يستوي

  4. فكي ورق الالوميوم من قطع الخبز و ضيفي على الوش جبنة بارميزان و جبنة موتزاريلا

    دخليها الفرن لمده من 2 ل 3 دقايق لحد ما الجبنة تسيح و لونها يبقى دهبي

ملاحظات الوصفة

1- لما تفضي الخبز الكيذر من جوة، ممكن تستخدمى الجزء ده كبديل للبقسماط

2- تجنبي انك تحطي كمية أكبر من اللازم من خليط اللحم المفروم عشان يكون عندك مساحة على الوش تضيفي فيها الجبنة البارميزان و الجبنة الموتزاريلا