ماعندكيش وقت و مستعجلة ؟
جربي الشوربة المغربي، مش هتاخد منك غير 20 دقيقة بس و طعمها كأنها حتة من الجنة! ضيفي ليها أوراق بقدونس طازة و استمتعي بوجبة كاملة في أسرع وقت
- 250 جرام لحم مفروم
- 150 جرام مكرونة لسان العصفور
- 30 جرام معجون طماطم = 2 معلقة طعام
- 4 أكواب مرق لحم
- 1-2 كوب ماء
- 1 كوب أوراق بقدونس طازجة ليست مفرومة
- 4 معالق طعام زيت نباتي
- 1 بصلة صغيرة مقطعة مكعبات
- ملح
- فلفل
-
ضيفي معلقتين من الزيت النباتي في وعاء على درجة حرارة متوسطة لحد ما يبدأ يسخن، بعدها ضيفي البصل مع التقليب لحد ما يذبل
ضيفي اللحم المفروم مع التقليب لحد ما يستوي و بعدها تبليها ب الملح و الفلفل و سيبيها تبرد
-
ضيفي معلقتين من الزيت النباتي في وعاء تاني على درجة حرارة متوسطة لحد ما يبدأ يسخن، بعدها ضيفي لسان العصفور مع التقليب لحد ما تتحمر
ضيفي 4 أكواب من مرق اللحم و زودي درجة الحرارة لحد الغليان
-
، بعدها ضيفي معجون الطماطم و خليط اللحم المفروم و البصل ( العصاج ) مع الغليان لحد ما يستوي لسان العصفور
-
ضيفي اوراق القدونس الطازة عند التقديم، ضيفيها عند التقديم بس عشان تعريضها للحرارة لفترة طويلة ممكن يخليها تدبل و طعمها يتغير
1- في تحمير لسان العصفور، اذا بدأ في التحمير بسرعة زيادة إرفعيه من على النار لحد ما يبرد وبعدين رجعيه على النار تاني على نار هاديه
2- إذا شرب لسان العصفور اغلب مرق اللحم اثناء السوا بس لسه ماستواش تماماً ،ضيفي من 1 الى 2 كوب من الماء لحد السوا الكامل.
